घेवूनी येता चपाती बाजारातुनी

तुझेची नाव ओठी

तुझेची नाव पोटी

घेवूनी येता चपाती

बाजारातुनी

तुझ्या हातची भाकरी

तुझ्या हातची फोडणी

जीभेही येते गहिवरूनी

माझ्यासवे

भांडी ती सैपाकघरातली

गमती मज हिरमुसली

तुझ्याविना विरक्त झाली  

धूळ पांघरून

तो फ्रीज आतून रोडावला

माइक्रो बसून सुस्तावला

मिक्सर तर झोपला

केव्हापासून

ये तू ये लवकरी

कृपा कर माझ्यावरी

डाळभात भाजीभाकरी

देई प्रसाद

विक्रांत प्रभाकर

http://kavitesathikavita.blogspot.in/