भाग्यवान
*******
तुझी आठवण येते उसवून माझ्या मनातून मला चूकवून ॥१
खोल खोलवर बसले दडून
वादळ स्मृतीचे येथे उफाळून ॥२
जनात अलिप्त ते तुझे असणे
सर अमृताची क्षणाचे पाहणे ॥३
हसल्या वाचून आनंद पेरणे
वदल्या वाचून अपार सांगणे ॥४
आणिक भेटता ते तुझे मी होणे
स्पर्शात चांदणे आभाळ भरणे ॥५
मानावे कुणाचे आभार मी आता
होतो भाग्यवान पदासी चुंबिता ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
