गुरुविण
*******
श्री गुरुविण हे जीवन
खिन्न मन खिन्न तन
श्री गुरुविण हर क्षण
भरे आश्रम फळफुलांनी
रांगोळ्यांनी भक्तजनांनी
जयजयकार स्वाहाकार
घडे समर्पण अपरंपार
आता आतून बोलावणे न
आळवणे न होणे बेचैन
कितीक झाले इथे प्रेमभंग
अर्धे अभंग रिते अंतरंग
अरे असू दे वाट दिसू दे
दत्त असू दे मनी वसु दे
वदे विक्रांत हे प्रभू दत्त
जीवन वात आहे तेवत
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
