चित्र
*****
सोबत तुझी चित्रही
प्रत्यक्ष दुर्लभ जरी
तो आधार होता काही
किती दिस उलटली
स्मृतिचित्रे हरवली
निर्गुणात याद दृढ
डोळे कासाविस झाली
हळूहळू हरवेन
मीही काळवाही येथे
घडेल वा न घडेल
गाठ तुझी कधी कुठे
सांगणार नाहीस तू
गोष्ट तुझी कधी कुणा
मीही नाही उजागर
कधी करणार खुणा
हरवेन कुजबुज
विसरेन सारे जग
पाहायला वेळ कुणा
पाण्यावरची रेघ
परी मी ते सांभाळून
ठेवीन तुझे चित्र ग
मनावर उतरले
तुझे अथांग नेत्र ग
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
