गुरुवार, २३ ऑक्टोबर, २०१४

तू म्हणजे तुझे प्रेम






तू म्हणजे
तुझे प्रेम
अन
तुझे माझ्यावरील
प्रेम म्हणजे
एक
प्रश्न चिन्ह
पण  
माझे तुजवरील
प्रेम म्हणजे
तुझ्यावरच्या
कविता
या कविता
म्हणजे
मला मिळालेले
जीवनाचे
प्रयोजन
अन तू जरी
दुरावलीस
तरीही
हे प्रेम
तसेच राहीन
कारण
बरसणाऱ्या सुगंधावर
फुलांचा हक्क
कधीच नसतो

विक्रांत प्रभाकर
http://kavitesathikavita.blogspot.in/

येथे कोणत्याही टिप्पण्‍या नाहीत:
लेबल:

बुधवार, २२ ऑक्टोबर, २०१४

मला कधीच डेअरिंग नव्हते






मला कधीच
डेअरिंग नव्हते
तिला विचारायचे
तिला कधीच
डेअरिंग नव्हते
माझे व्हायचे

माझे होणे
तसा व्यवहार
होता तोट्याचा
शुद्ध सुवर्ण
कर्णफुलापुढे
व्यर्थ फुलोरा
क्षणिक फुलांचा

बाजार पाहिलेली
ती आता
फसणार नव्हती
एकदा चुकलेली
ती आता
ठकणार नव्हती

काही गोष्टी
आयुष्यात किती
उशिरा भेटतात
उन्मळलेल्या
वृक्षावरही कधी
मोहर फुलतात

विक्रांत प्रभाकर
http://kavitesathikavita.blogspot.in/


येथे कोणत्याही टिप्पण्‍या नाहीत:
लेबल:

मंगळवार, २१ ऑक्टोबर, २०१४

शब्द कुटले खलबत्यात




शब्द कुटले खलबत्यात
शब्द मिसळले मस्त मिठात
शब्द तळले लाल तिखटात
कविता झाली ||
बाकी जिभेला साहू द्यावे
पाणी घडाभर पिवू द्यावे  
बरे वाईट बोलू द्यावे 
अनुभूती ती ||
रे रसिका नकोस चिडू
राग कुणावरती काढू
कवितेची वा पाने फाडू
दे सोडूनी ते ||
वृत्तनगरी कुणी फिरावे
मुक्त छंदी वा भटकावे
ज्या हवे ते त्याने घ्यावे
तोटा नाही ||
ज्ञानोबाचे आम्ही भिकारी
ऋण तुकयाचे जन्मभरी
बाकी तुमची कृपा सारी
तुम्हामुळे मी ||

विक्रांत प्रभाकर
http://kavitesathikavita.blogspot.in/
येथे कोणत्याही टिप्पण्‍या नाहीत:
लेबल:

सोमवार, २० ऑक्टोबर, २०१४

तुझ्या हास्याचे तुषार






तू थकलेल्या मनाने
डोळ्यात सांज ओढून
दु:खाच्या काठावरती
जेव्हा असते बसून
लाखवेळा मनी माझ्या
विचार येती दाटून
द्यावा तुजला आधार
केवळ तुझा होवून
तू हसावे झऱ्यागत
मुग्धपणे खळाळून
तुझ्या हास्याचे तुषार
अन मी घ्यावे झेलून

 विक्रांत प्रभाकर
http://kavitesathikavita.blogspot.in/
येथे कोणत्याही टिप्पण्‍या नाहीत:
लेबल:

रविवार, १९ ऑक्टोबर, २०१४

खरच मी स्वप्नाला भितो




खरच मी स्वप्नाला  भितो
जर मी स्वप्नात गेलो
अन तू तिथे नसलीस तर
या कल्पनेनेच हवालदिल होतो
त्या विराण दुनियेला घाबरतो
खरच मी स्वप्नाला भितो

अन कदाचित जर
त्या स्वप्नात तू माझी नसलीस तर
अन्य  कुणाच्या गळ्यातील
हार झाली असशील तर
किती जरी थकलो तरी
डोळ्याला माझ्या डोळा न लागतो
खरच मी स्वप्नाला भितो

स्वप्न हाती कधीच नसते
नकोसे तर हमखास दिसते 
तुला गमावणे मी साहू न शकतो
स्वप्नातही दु:ख ते पेलू न शकतो
खरच मी स्वप्नाला भितो

विक्रांत प्रभाकर
http://kavitesathikavita.blogspot.in/
येथे कोणत्याही टिप्पण्‍या नाहीत:
लेबल:
याची सदस्यत्व घ्या: पोस्ट (Atom)

भय

भय *** किर्र निर्मनुष्य अश्या  जयंती माता जंगलात  मऊ मातीत उमटलेली  ताजी व्याघ्र पावुले  अन् एकटेपणी  चाललेली माझी परिक्रमा . वि...

  • कवितेत दत्त
    कवितेतील दत्त ** जर कधी तुम्हाला माझ्या कवितेत दत्त दिसत नसला तरीही दत्त तिथेच वसत असतो जरी मी वाचेने म्हणत नसलो तरीही त्यालाच...
  • मरण
    झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण   ज्यात ओघळून  जाईल ज...
  • अधिक देखणे तरी निरंजन पाहणे भावार्थ
    अधिक देखणे तरी निरंजन पाहणे  भावार्थ ******************************** अधिक देखणे तरी निरंजन पाहणे योगीराज विनविणे मना आले वो माय...
  • तुझे डोळे
    तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट...
  • झाड
    झाड **** या किनाऱ्याला  मी चालत आहे  मी माझ्यातच रुजत आहे  मी झाड होत आहे  इथले पाणी खोलवर  माझ्या आत झिरपत आहे  तोच मी जरी  काह...
  • लोणचे व चटणी
    लोणचे व चटणी  ************ तोही जाणतो की तो लोणचे आहे  तीही जाणते की ती चटणी आहे  चटणी आणि लोणचे चवीपुरते असते  जेवणाची फक्त लज्...
  • महात्मा ज्योतिबा फुले
    महात्मा ज्योतिबा  फुले ****** ज्योतीबा, तू लावलेल्या वटवृक्षांच्या सावलीत जगत आहोत आम्ही समतेची स्वातंत्र्याची फळे चाखत आहोत आम्ह...
  • विझू देत
    विझू देत +***+ माझ्या विझल्या आगीत  का ग जिंदगी शोधते  नको उकरूस धुनी तिथे ठिणगी नांदते ॥ गेला जळूनिया सारा जरी इथला पसारा  उब ज...
  • असे मरण यावे
    असे मरण यावे ************ मरणालाही हेवा वाटावा असे मरण यावे मजला जिवलग कुण्या मिठीमध्ये प्राण सुटावा देहा मधला ओठावरती स्मित असाव...
  • देव देश अन धर्मासाठी
    देव देश अन धर्मासाठी  ********** जन्म देवासाठी  जावो हा सगळा  भावभक्ती मळा  फुलो सदा ॥ देह देशासाठी  जावो हा सगळा  ...