मरे भिकारी
भिकाऱ्या गत
मरे राजाही
सारे कवळत
परि असेही
दिसते कौतुक
मरे संन्यासी
खरे हासत
देहा कधीच
होते टाकले
मनही होते
पुसून गेले
चितेवरच्या
सांगती ज्वाला
आग मिळतसे
पुन्हा आगीला
मंगळवार, ६ मे, २०१४
सोमवार, ५ मे, २०१४
बहाणा
ज्या एका क्षणी
कळते आपल्याला
जीवनाची व्यर्थता
त्यात असलेल्या
सुखदुःखाच्या
घट्ट मोळीसकट
आपण एक
बहाणा शोधतो
ती व्यर्थता
सदैव नाकारतो
"तसा तर
सूर्यास्त रोजच
होत असतो.."
आपण म्हणतो
ट्राफिक
गोंधळ
गदारोळ धावाधाव
प्रत्येकाला
पुढं जायचं होतं
लागलेल्या
सिग्नलशी
प्रत्येकाचं
वैर होतं
इंचाइंचाने
सरकणारे टायर
क्षणाक्षणाला
ओकणारा धूर
क्लच
ब्रेक एक्सलेटर
अन इंजिनचे
गुरगुर
दचकून
वैतागून चुकून
वाजणारे
कर्कश हॉर्न
आवाजात
विरघळणारी
एखाद शिवी
कचकन
रस्त्यास
नव्हती उसंत
अन गतीला
अंत
माणसाचा
शब्द ना
कुठला
चेहरा जिवंत
रविवार, ४ मे, २०१४
द्वंद्व ..
द्वंद्व ..
तू कविता झाली आहे
माझ्या मनी रुजली आहे
युगायुगांचे अंतर तरीही
मनी चंद्रिका भिनली आहे
अरे बापरे काय करे मी
कोण तू अन कुठली आहे
कर लगबग चल निघ इथुनी
गाडी ही तर सुटली आहे
विरघळवणारा सहवास तुझा
मनी फुले सजली आहे
जावू नये तू दूर कधीही
अभिलाषा ही जागली आहे
हो जागा का उभाच निजला
वर्ष तुझी ती भरली आहे ?
कुठे चालला स्मरे तुला का
काय अक्कल विकली आहे ?
ये जगताचे बंधन तोडून
पदी प्रीत अंथरली आहे
भिन्न तुझे अन जग माझे
पायवाट मी विणली आहे
काय करावे या मनाला
नाठाळ बुद्धी झाली आहे
मान्य मला ही प्रीती जरी
वाळू हातून गळली आहे
विक्रांत प्रभाकर
http://kavitesathikavita.blogspot.in/
http://kavitesathikavita.blogspot.in/
शनिवार, ३ मे, २०१४
पोस्टमार्टेम रिपोर्ट.. (The cause of death is cast)
उद्या
परवा सीलबंद त्याचा
पोस्टमार्टेम रिपोर्ट येईल
खरा
असेल कदाचित खोटा नसेल
पुरा
असेल बहुदा अपुरा नसेल
करणाऱ्याच्या
मनावरील
ओझ्याखाली
दबला नसेल
आणल्या
पुसल्या पुराव्याने
उलटा
सुलटा झाला नसेल
वैद्यकीय
भाषेत शास्त्रशुद्ध
जसा
कि ...
अतिरिक्त
रक्तस्त्रावाने..
अथवा गुदमरून
गेल्याने ..
वा व्हिसेरा
तपासनीस
रिपोर्ट
लवकरच कळेल..
वगैरे
..वगैरे.. परंतु
काहीही
असला तरी
कधीही
आला तरी
तो
रिपोर्ट ..
खरा
कधीच नसेल
कारण
त्याच्या मृत्यूचे कारण
कुठलेही
सर्टिफिकेट
कुठलाही
रिपोर्ट
कधीच
दाखवणार नाही
त्यांना
मुळी दाखवताच येणार नाही
कारण
ते असेल “ जात “
(The cause of death to the best of my
knowledge and belief is cast )
याची सदस्यत्व घ्या:
टिप्पण्या (Atom)
झाड
झाड **** या किनाऱ्याला मी चालत आहे मी माझ्यातच रुजत आहे मी झाड होत आहे इथले पाणी खोलवर माझ्या आत झिरपत आहे तोच मी जरी काह...
-
तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट... -
झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण ज्यात ओघळून जाईल ज... -
अशोक कोकणे श्रद्धांजली *********** महाड मधील आमचे घरमालक कोकणे, भाई अन् ताई यांना असलेली पाच मुले, विजय दिलीप अशोक प्रदीप आणि र... -
अधिक देखणे तरी निरंजन पाहणे भावार्थ ******************************** अधिक देखणे तरी निरंजन पाहणे योगीराज विनविणे मना आले वो माय... -
झाड **** या किनाऱ्याला मी चालत आहे मी माझ्यातच रुजत आहे मी झाड होत आहे इथले पाणी खोलवर माझ्या आत झिरपत आहे तोच मी जरी काह... -
महात्मा ज्योतिबा फुले ****** ज्योतीबा, तू लावलेल्या वटवृक्षांच्या सावलीत जगत आहोत आम्ही समतेची स्वातंत्र्याची फळे चाखत आहोत आम्ह... -
पळस ***** भर उन्हाळ्यात रणरणत्या उन्हात जात असता उजाड रानावनातून अचानक त्या तपकिरी सुकलेल्या हिरवट पिवळट झाडीमध्ये दिसतो ... -
जाहलो पतित हरवून वाट दिवसाच रात चालतांना || डोळ्याला पडळ दिसतच नाही धावाधाव काही कामा नये || देवून हाकारे होय ... -
दु:खाने चिंब भिजलेली कविता वाचतांना दु:खाने कदमदलेले जीवन ओढत चालतांना किती आधार वाटतो मला त्या शब्दांचा शब्द सा...
-
देव देश अन धर्मासाठी ********** जन्म देवासाठी जावो हा सगळा भावभक्ती मळा फुलो सदा ॥ देह देशासाठी जावो हा सगळा ...
