*****
जळतो दिवा तेल भरला
चिंता उद्याची नच तयाला ॥१
उजेडाने सारे भरे आसमंत
निर्धास्त निवांत जळे वात ॥२
सरते घंटा सरती पळ
दिसू लागतो समई तळ ॥३
क्षीण प्रकाश येई झाकोळ
सरे कर्तव्य जमे काजळ ॥४
तोही प्रकाश हाही प्रकाश
दिप म्हणे उजळीत आकाश॥५
आणि क्षणात वात वाढते
घर प्रकाश वादळ होते ॥६
झरझर प्रभा पुन्हा निमते
तैल गंध अन सोडून जाते॥७
अंधार होतो तवंग सरतो
दीप अंधारी डोळे मिटतो ॥८
असेच जगणे असते बाई
कळते कोणा कळत नाही ॥९
दिप दगडी जरी देवाचा
विक्रांत वाहतो जन्म रोजच॥१०
