रविवार, ८ जून, २०१४
शनिवार, ७ जून, २०१४
नाति चरामि
आता घर हे धर्मशाळा
निजणे खाणे दोन वेळा
परक्या भिंती परकी नाती
बोलचालही कामापुरती
जगल्याविना जगे तरीही
कुणा न माहित इथे काही
ती न माझी, उरलो तिचा मी
बोल हरवले नाति चरामि
काय असेही असते जगणे
देहा मधूनी उगा वाहणे
हाक मारतो कुणास कुणी
जरा कळू दे मज जिंदगानी
विक्रांत प्रभाकर
http://kavitesathikavita.blogspot.in/
http://kavitesathikavita.blogspot.in/
दारी धुत्कारला
हळू हळू मनातुन
व्यक्ति पुसल्या जातात
वेड्या खुळया आठवणी
टाकुन दिल्या जातात
आधारावर जयांच्या
जन्म येथे तरतात
जीवलग तेच जीवा
निराधार करतात
सोन्यासारखे दिवस
उगाच व्यर्थ जातात
दु:खामध्ये जगण्यास
स्वप्न जणू फुलतात
गांजलेला भिकारीही
हाका मारून थकतो
नवीन आशा घेवुनी
दुस-या दारात जातो
भिका-यास पण कधी
हक्क निवडीचा नसे
घरी दारी धुत्कारला
सखी त्याचे भाग्य तसे
विक्रांत प्रभाकर
शुक्रवार, ६ जून, २०१४
सहज सकाळी सखी
सहज सकाळी सखी
पुनरपि येताच तू
बहरूनी वृक्षावरी
पुन्हा आले नवे ऋतु
दाटुनी गर्द मेघांनी
आकाश लागले झरू
दु:ख मिटुनी पाखरे
मनी लागले उतरू
तुझे हास्य कणोकणी
देही लागे वीज नाचू
आनंदाने एक गीत
शब्द लागतात रचू
याची सदस्यत्व घ्या:
पोस्ट (Atom)
भय
भय *** किर्र निर्मनुष्य अश्या जयंती माता जंगलात मऊ मातीत उमटलेली ताजी व्याघ्र पावुले अन् एकटेपणी चाललेली माझी परिक्रमा . वि...
-
कवितेतील दत्त ** जर कधी तुम्हाला माझ्या कवितेत दत्त दिसत नसला तरीही दत्त तिथेच वसत असतो जरी मी वाचेने म्हणत नसलो तरीही त्यालाच... -
झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण ज्यात ओघळून जाईल ज... -
अधिक देखणे तरी निरंजन पाहणे भावार्थ ******************************** अधिक देखणे तरी निरंजन पाहणे योगीराज विनविणे मना आले वो माय... -
तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट... -
झाड **** या किनाऱ्याला मी चालत आहे मी माझ्यातच रुजत आहे मी झाड होत आहे इथले पाणी खोलवर माझ्या आत झिरपत आहे तोच मी जरी काह... -
लोणचे व चटणी ************ तोही जाणतो की तो लोणचे आहे तीही जाणते की ती चटणी आहे चटणी आणि लोणचे चवीपुरते असते जेवणाची फक्त लज्... -
महात्मा ज्योतिबा फुले ****** ज्योतीबा, तू लावलेल्या वटवृक्षांच्या सावलीत जगत आहोत आम्ही समतेची स्वातंत्र्याची फळे चाखत आहोत आम्ह... -
विझू देत +***+ माझ्या विझल्या आगीत का ग जिंदगी शोधते नको उकरूस धुनी तिथे ठिणगी नांदते ॥ गेला जळूनिया सारा जरी इथला पसारा उब ज... -
असे मरण यावे ************ मरणालाही हेवा वाटावा असे मरण यावे मजला जिवलग कुण्या मिठीमध्ये प्राण सुटावा देहा मधला ओठावरती स्मित असाव... -
देव देश अन धर्मासाठी ********** जन्म देवासाठी जावो हा सगळा भावभक्ती मळा फुलो सदा ॥ देह देशासाठी जावो हा सगळा ...