मन बहाव्याचे झाले
************
येता ओघळून चैत्र
मन बहाव्याचे झाले
दत्त स्फुरण जणू की
कणोकणी ओसंडले ॥
गर्द पिवळा झळाळ
धुंद हळदी खळाळ
दत्त झाला जणू वृक्ष
गळा वैजयंती माळ ॥
अशी किमया सोनेरी
पाहू हरखून किती
चित्त चाकाटले दत्ता
किती देखणी ही सृष्टी ॥
कधी होईल मी ऐसा
तुझ्या प्रेमात रंगला
रंग हिरवा हरला
पित तदाकार झाला ॥
उभा तरूतळी मौन
मनी धुंद मोहरला
वदे विक्रांत वृक्षाला
मी तो तूच तो रे झाला ॥
*********
डॉ. विक्रांत प्रभाकर तिकोणे
https://kavitesathikavita.blogsport.com
कोणत्याही टिप्पण्‍या नाहीत:
टिप्पणी पोस्ट करा