पर्याय

पर्याय
*****
कुणीही कुणाच्या
सुखी जीवनाचा
पर्याय नसतो .
जरी सुखी जीवन या
भ्रामक शब्दाला
सापडत नाही
पर्याय कधीही
तशीतर पर्यायाची यादी
खूपच मोठी असते
अन ती क्वचितच
कुणाच्या हाती येते
अर्थात एका पर्यायानंतर
दुसरा पर्याय
असतोच समोर
उभा सदैव
दत्त म्हणून !
असे पर्याय
शोधून शोधून
सोडून
निरुपाय झाल्यावर
जो समोर उभा राहतो
दत्त म्हणून !!
तो पर्याय
पर्यायातील असतो
हेच कदाचित
पर्याय शोधण्याचे
निवडण्याचे
सोडण्याचे
व पर्यायाच्या उत्पत्तीचे
कारण असावे.
***
डॉ.विक्रांत प्रभाकर तिकोणे
https://kavitesathikavita.blogspot.in/