जग कर्माच्या व्यापारी
सुख दु:खाच्या कपारी
चाले आपुल्याच परी
गमे जरी ||
दत्त जगाला सांभाळी
दत्त देहाला सांभाळी
दत्त मनाला सांभाळी
अहोरात्र ||
दत्त भक्तांचा कैवारी
नित्य तापसांच्या दारी
दत्त दत्त क्षणभरी
स्मरताच ||
भक्ती भावाच्या अंतरी
त्याची चाले रहदारी
भाग्यवान तया स्मरी
सुकृताने ||
डॉ.विक्रांत प्रभाकर तिकोने
(कवितेसाठी कविता )
कोणत्याही टिप्पण्या नाहीत:
टिप्पणी पोस्ट करा