पाहता पाहणे
स्वरूपाचे कोडे
ध्यास लावी जिवा
परि मन कावा
आड येई ॥
याचक्षणी इथे
कळे आहे मुक्ती
पाहण्याची युक्ती
सापडेना ॥
चाले झटापट
मनाची मनात
धुळीचा लोटात
अंध दिशा ॥
चतुर चित्ताचे
चालले गुर्हाळ
द्वैताचे पाल्हाळ
संपेचिना ॥
पाहा रे विक्रांत
वळूनी मनात
सांगतो श्री दत्त
पुन्हा पुन्हा ॥
पाहता पाहणे
केवळ उरू दे
पुढचे ते पुढे
मग पाहू.॥
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा