आहे किंवा नाही..॥
मीच आहे किंवा नाही
माझे मला उमजेना
मीच ऐकतो पाहतो
परी खरे हे वाटेना
गीत सजले ओठात
सूर भिनले देहात
मीच होऊनि कविता
त्याच रंगलो क्षणात
उरी दाटल्या उर्मीची
डोळी भिनल्या नशेची
मुग्ध मदिरा मी झालो
जुन मधाळ गंधाची
येई फिरून जीवना
किती अजून मी उणा
तृप्ती अतृप्ती कळेना
घेता घेता मी उगाणा
शब्द वाहतो मी तुला
माझ्या हृदयी आलेला
वृक्ष सजीव हा झाला
स्तब्ध शिशिरी गोठला
डॉ.विक्रांत प्रभाकर तिकोणे
