गुरुवार, २९ ऑगस्ट, २०१३

उनाड जगणे




माझे उनाड जगणे
नाही कळत कुणाला
पारा पडला मातीत
येतो कधी का हाताला |
हाय लागता कुणाची
तडा बिलोरी काचेला
कसे पाहावे स्वप्नांना  
मीच दिसेना मजला |
भास होतात उगाच
स्वर्ग चौकोनी सजला
हात लावता तयास  
दिसे अंधार उशाला |
असे आखीव रेखीव
पथ फुलांनी सजला
जाय वनांतरी दूर
कुणी परत न आला |

विक्रांत प्रभाकर
http://kavitesathikavita.blogspot.in/

कोणत्याही टिप्पण्‍या नाहीत:

टिप्पणी पोस्ट करा

वरदान

वरदान ****** उगा उगाच पथात पाऊस पडुन गेला  थकल्या जीवा तजेला क्षणात देऊन गेला    मागेपुढे होता दग्ध रखरखाट सारा  व्याकुळले प्राण...