रविवार, २८ ऑगस्ट, २०१६

प्रवास




तुझ्या अस्तित्वाचा गंध
दरवळणारे क्षण
कधी भेटलेच नाही
असे मुळीच नाही

या प्रदीर्घ वाटचालीत
तू सोबत नाहीस असे
वाटणारे उदास क्षण
आले नाहीत असेही नाही

आशा निराशेच्या हिंदोळ्यावर
मी अजूनही झुलतो आहे
लख्ख प्रकाशाचे आकाश
अजूनही खुणावत आहे

तुझे भेटणे गणित असेल तर
ते माझे अगदीच कच्चे आहे
तुझे भेटणे अपघात असेल तर
तुझा हि नाईलाज आहे माझ्यासोबत

तसे म्हटले तर हजार दारे आहेत
तसे म्हटले तर एकही दार नाही

डॉ.विक्रांत प्रभाकर तिकोने
http://kavitesathikavita.blogspot.in

शनिवार, २७ ऑगस्ट, २०१६

अग्नी स्पर्श






कुठवर वाहू
जीवन ओझे  
मजला लाजे  
मन माझे  ||

जरी नालायक
तुझिया प्रेमास    
का रे जीवनास
स्वप्न दिले  ||

भक्तीभावना   
मज ना कळते   
चित्त न रमते 
ग्रंथांतरी   ||

बैचैन अंतर  
स्मरे रातदिन  
दत्त दयाघन
कृपा करी   ||

ये रे  लवकरी  
ने रे झडकरी
देवून कर्पुरी   
अग्नी स्पर्श  ||  

डॉ विक्रांत प्रभाकर तिकोणे
http://kavitesathikavita.blogspot.in/






शुक्रवार, २६ ऑगस्ट, २०१६

निळूला




निळूल्या सागरी
निळूली बावरी
निळ्या उधळणी
नीलमणी झाली

निळे निळे मन
निळे निळे तन
घन नीळ क्षण
राधा अन कृष्ण

विभ्रमी पाखरं
विभ्रमी वासरं
गूढ  चराचर
मंत्रित साचार

मोरपीसी खुळा
महाशून्य डोळा
होऊनी आंधळा
रंगी नादावला

देह हरवले
सूरी नादावले
कुणी कुणा केले
मूर्त प्रेम बळें

विक्रांत प्रभाकर तिकोने
http://kavitesathikavita.blogspot.in

चाकरमानी

चाकरमानी ******** पोटाला पाठीला  पिशव्या बांधुनी कामाला निघती हे चाकरमानी ॥ चाकरमान्याच्या  डोळ्यात घड्याळ देहा चिकट...