दार खिडक्या गच्च लावून
जाड पडदे वरती ओढून
मी बसतो ए. सी.लावून
बाहेर असो कितीही उन
बाहेर खूप कोलाहल आहे
कुठला मोर्चा चालला आहे
पोलिसांची गाडी आणि
सायरन वाजवत आली आहे
कुठेतरी काचा तुटणार
अन् कुणाचे डोके फुटणार
उद्या पण सारे काही
पेपर मध्ये छापून येणार
निवांतपणे सारे वाचू
आता एक झोप घेऊ
फार उत्सुकता ताणली तर
चॅनल थोडे बदलून पाहू
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा