रात्री ८ वाजता आलेला पेशंट
होता धापा टाकत सांगत
तीनच दिवसांचा ताप फक्त
दुपार पासून दम आहे लागत
पाहताच त्याला
ऐकताच हिस्टरीला
लगेच कळून चुकले मला
पेशंट ए .आर .डी .एस आला
तरूण तीस वर्षाचा
धडधाकट देहाचा
कर्ता सवरता स्वामी घराचा
बाप मुलांचा पती कुणाचा
डायग्नोसिस कसले ते
डेथ सर्टिफिकेटच होते
त्याला कळण्या आधी
मरण मला दिसत होते
भराभरा अॅडमिशन केले
त्याला आय.सी.यु.त नेले
अन वाटले होते तसेच
व्हेंटीलेटर वर टाकले
आता हाती काही नव्हते
मशीन काम करत होते
बघता बघता सॅटूरेशन
आणि झाले खाली पडते
चार तासाचा पाहुणा
आमचा होता तो
त्याच्या त्या प्रवासाचा
कळूनही मृत्यू
टाळता आला नाही
जाणूनही आजार
रुग्ण बरा झाला नाही
पुढचा सारा सोपस्कार
उरकला खरा
हात ठेवून खांद्यावर
मृत्यू गेला जरा .
विक्रांत
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा