रविवार, २२ ऑगस्ट, २०२१

वेळापत्रक

वेळा पत्रक 
********

दत्त हसवतो 
दत्त रडवतो 
दत्त खेळवतो 
सुख दु:खी ॥

जन्म हा चुकला 
काळ रे हुकला 
तिमिरी पडला 
जरी वाटे ॥

जुनाट संस्कार 
कर्मठ आचार 
काही मनावर 
अगम्यसे ॥

तू न इथला 
कळते तुजला 
दावणी बांधला 
प्रारब्धाने ॥

परी भोग रे
दिन मोज रे
जन्म जग रे
वाट्या आला ॥

किती काळ कैसे 
जगावे हे ऐसे 
दत्ता ठाव असे 
वेळापत्रक ॥

दत्ता आठवून 
सारे सोपवून 
पार जन्मातून 
हो विक्रांत  ॥

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘  .

येथे 1 टिप्पणी:

शनिवार, २१ ऑगस्ट, २०२१

क्षणभर भेट व्हावी

भेट व्हावी
*******

क्षणभर भेट व्हावी दत्ता 
 तव क्षणभर भेट व्हावी रे 
तुझ्यावाचून जगण्याची 
या व्यथा मिटून जावी रे ॥

बहू पाहिल्या मूर्ती तुझ्या 
सुंदर मंदिरी सजल्या रे 
अन पादुका उंच शिखरी 
ऊर्जा वलय ल्याइल्या रे 

शैशवात तुज पाहिले 
काही कळल्या वाचून रे 
निद्रा जाग सीमेवर तू 
पाहिलेस मज हसून रे  

तसेच मुग्ध सुंदर दिसावे 
रूप मनोहर डोळ्यास रे 
विरहाची ही रात्र मिटावी 
दिनकर हो तू हृदयास रे 

त्या क्षणाची वाट पाहत 
उभा कधीचा विक्रांत रे 
सरो वेदना अवधूता ही
घे सामावून तुझ्यात रे

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘  .

येथे कोणत्याही टिप्पण्‍या नाहीत:

शुक्रवार, २० ऑगस्ट, २०२१

लळा

लळा
*****:

आळंदीचा राजा 
ज्ञानदेव माझा 
भक्ताचिया काजा 
आतुडला ॥

घनदाट ऊर्जा 
तिथे एकवटे 
पाप खरकटे 
धुऊ जाय ॥

पावन ती गंगा 
ज्ञानाची भक्तीची 
पेलत्या शक्तीची 
घेणाऱ्याच्या ॥

आस्तिक-नास्तिक 
नाही भेदभाव 
जसा सूर्यदेव 
जगताशी ॥

पापी पुण्यवान 
होतात पावन 
परिसस्पर्शान 
तेथीच्या रे ॥

विक्रांता अवघे 
पुण्य आले फळा 
म्हणूनिया लळा
माऊलीचा ॥

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘  .
येथे कोणत्याही टिप्पण्‍या नाहीत:

बुधवार, १८ ऑगस्ट, २०२१

Preference


Preference
**********

She prefered 24 carat Gold.
It's nothing but obvious,
gold gives stability,
gold gives security,
and of course, surety.
Of the future life.

What else one would like to have?
But then, what about flowers?
Oh flowers !
One can buy them lots,
if one has gold in hand.
And one can also live without flowers.

It's leisure 
It's pleasure 
but not absolute need.
Isn't it ?
So her choice is perfect !
Bravo .
She is gem 
really intelligent .
As life is hunger 
Life is money 
Life is Gold .

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘  . .





येथे कोणत्याही टिप्पण्‍या नाहीत:

मंगळवार, १७ ऑगस्ट, २०२१

शब्द


शब्द
*****

शब्द नाजूक कोवळे 
रस तालात भिजले 
जीव बेभान बेधुंद 
अहा वाहावी गुंगले 

शब्द मवाळ मोटके 
पर तत्वात भिजले 
लावी सार्थकी जीवन 
प्राण प्रकाशी पेटले 

शब्द मनाचे तान्हुले 
भाव बंधानी नटले
करी आकांडतांडव 
कधी हसून निजले 

शब्द नागमोडी वाट 
कुणा क्वचित कळली 
कुणा मुक्कामी सोडवी 
कुणा घाली रानभूली 

शब्द सोयरे ते माझे 
मैत्र जीवीच्या जीवीचे 
तया वाचुनिया शून्य 
जिणे विराण वाटेचे 

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘  
येथे 1 टिप्पणी:

सोमवार, १६ ऑगस्ट, २०२१

जगणे



मिटूनिया पंख 
स्मृती 
क्षणात पाहत आहे
सार्‍या 
प्रतिक्रिया होत्या 
मन
मनास सांगत आहे

हरवले सूर 
तरी
शब्द ध्यानात आहे.
अन
स्मरणात श्रुतींच्या 
सार्‍या
चुकाच दिसत आहे

ओझ्यात अपेक्षांच्या 
अंध
आयुष्य सरतआहे

धरणात भरता पाणी
झाड
आतले वठत आहे 

जगण्यास हवे जल
तेच
मरण आणत आहे

दु:ख साचले नकोसे
सुख 
तरीही जाचत आहे 

विक्रांत लिही तू लाख 
शब्द
हे अळवावरचे आहे 

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘
येथे कोणत्याही टिप्पण्‍या नाहीत:

रविवार, १५ ऑगस्ट, २०२१

ज्ञानदेवा पायी

ज्ञानदेवा पायी
***********
ज्ञानदेवा पायी 
रहावे बसून 
प्रेमाने भरून 
हृदय हे ॥

पहावे तेजाचे
मानवी ते रूप 
कैवल्य स्वरूप 
शब्दातीत ॥

जगत मागणे 
नच मुखी यावे 
सुखात राहावे 
सांनिध्याच्या ॥

सदा देवा मला 
रहा वेटाळून
ठेवी रे भरून
स्वरूपात ॥

विक्रांत देहात 
चित्त आळंदीत 
चैतन्या भजत 
प्रेममय ॥


🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘  . .

येथे कोणत्याही टिप्पण्‍या नाहीत:
याची सदस्यत्व घ्या: टिप्पण्या (Atom)

नर्मदेच्या काठावर

नर्मदेच्या तीरावर  ************ रस्त्याच्या घड्याळावर पायाचे काटे चालतात अंतर हीच वेळ असते असा प्रवास चाले सतत  कधी भेटतो तीर सु...

  • महात्मा ज्योतिबा फुले
    महात्मा ज्योतिबा  फुले ****** ज्योतीबा, तू लावलेल्या वटवृक्षांच्या सावलीत जगत आहोत आम्ही समतेची स्वातंत्र्याची फळे चाखत आहोत आम्ह...
  • आसावरी ताई श्रद्धांजली
    रंग *** ( आसावरीताई काकडे ) रंग रेषा आणि शब्द  यात जीवा गुंतवूनी  एक निर्मळ आयुष्य  जगली ती मनस्विनी  खिडकीतील इवली तीच फुले आणि...
  • मोकळे केस तू
    मोकळे केस तू ! रुपेरी कांतीचे  लेवून चांदणे मोकळे केस तू मिरवित येते  काजळ कोरले  दिठीत सजले गाली ओघळून   तीट लावते चालणे त...
  • अधिक देखणे तरी निरंजन पाहणे भावार्थ
    अधिक देखणे तरी निरंजन पाहणे  भावार्थ ******************************** अधिक देखणे तरी निरंजन पाहणे योगीराज विनविणे मना आले वो माय...
  • पळस
    पळस ***** भर उन्हाळ्यात  रणरणत्या उन्हात  जात असता  उजाड  रानावनातून अचानक  त्या तपकिरी सुकलेल्या  हिरवट पिवळट झाडीमध्ये  दिसतो ...
  • नर्मदा माईस (लळे)
    नर्मदा माई (पुरवी ग लळे) ********* माई सुख माझे मजला दिसते कुठे जायचे ते गंतव्य कळते ॥१ तुझिया किनारी जन्म हा सरावा  ठसा मी पणाच...
  • ती वाट
    ती वाट ******* ती वाट तुझ्याकडे येणारी रोज खुणावते मला  ते वळण जीवघेणे  रोज टाळावे लागते मला  तुझ्या डोळ्यात स्वागत असेलच असे ना...
  • मिठीत मृत्यू प्रियाच्या... (फोटो पाहून सुचलेली कविता...)
        मिठीत जगणे होते मिठीत मरण आले हाती जपायचे होते हातीच सारे संपले मोडुनी घर पडले स्वप्न मातीत सं...
  • दृढ धरी
    दृढ धरी ******** दृढ धरी मज माझ्या ज्ञानदेवा  चरणाशी द्यावा  ठाव सदा ॥१ चपळ मन हे  तुज असे ठाव चालेना उपाव माझा इथे ॥२ येते पुन्...
  • वृक्ष
    वृक्ष ***"  साऱ्या वाटा देहातून होत्या मनी उतरत   शून्यातून एक एक  तारा होता उगवत हरवले श्वास तरी  प्राण होते झंकारत  स्पंद...