रूजले बीज
*****
रुजले बीज
भिजले बीज
आज आले फळाला ॥
केली त्वरा
देऊन वरा
मीन बांधला गळाला ॥
बळे आलो
शिष्य झालो
मेवा मिळाला भुकेला ॥
पुण्य फळले
वृक्ष जाहले
अर्थ कळाला मूढाला ॥
भक्ती नसून
सेवे वाचून
मेघ ओळला थोरला ॥
कोण दातार
कोण घेणार
स्वार्थ नसल्या कृपेला ॥
खूण विक्रांत
आली ध्यानात
मोड फुटला भाग्याला॥
जरी ना मेलो
परी मिटलो
तपच आले दाराला
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ . .
