फेसबुकच्या आतल्या गल्लीत
माझे चार मित्र राहतात
जे माझी कविता वाचतात
स्वानंदाच्या यात्रेत माझ्या
आणि मला साथ देतात
त्या चार मित्रांसाठी तरी
मला इथे यावे लागते
तसे ते या गल्लीतले दादा आहेत
वर्षोनुवर्ष राहत आहेत
तरी सुद्धा माझे इथे
नित्य स्वागत करीत असतात
पाहुणचाराचे शब्द त्यांचे
मला लाख मोलाचे वाटतात
आणि जर का लिहिलेले
माझे त्यांना नाही आवडले
प्रेमाने अन मोठ्या खुबीने
न दुखावता ते ही सांगतात
भेटी गाठी घडत नाहीत
देणे घेणे काही नसते
जन्मांचे काही नाते असावे
जे शब्दामधून उलगडते
विक्रांत प्रभाकर
http://kavitesathikavita.blogspot.in/
