marathi लेबल असलेली पोस्ट दाखवित आहे. सर्व पोस्ट्‍स दर्शवा
marathi लेबल असलेली पोस्ट दाखवित आहे. सर्व पोस्ट्‍स दर्शवा

मंगळवार, ५ मार्च, २०१३

वांड गुराची गोष्ट



वांड गुराची शेपूट पिरगाळून
त्याला आणावे गोठ्यात बांधून
तसे माझे लग्न ठरवून
उभे केले मला मांडवात आणून
अन बांधावे गळ्यात एक खोड
तसे बांधले संसार जोखड
दिले मग पुन्हा सोडून
हिंडतोय मी तेव्हापासून
सांगत जगाला ओरडून
अलंकार हा फारच छान
या घ्या सारे अडकवून

विक्रांत प्रभाकर
http://kavitesathikavita.blogspot.in/

बुधवार, २० फेब्रुवारी, २०१३

आपलाही मूड कधी



आपलाही मूड कधी
अगदी मस्त असतो
शर्टवर आपणही
छानसा सेंट मारतो .१

कुणी वळून पाहतो
कुणी ओरडून जातो
आपण मुळी ढुंकून
कुणा पाहत नसतो .२

आपल्या मस्तीत शिळ
उगाच घालत जातो
ये जी वाट समोर
उनाड चालत जातो.३

असते कधी नसते
नच कारण शोधतो
जीवनावर आपण
अगदी खुश असतो.४
 
कुठलीशी आठवण
स्वप्नी कुठल्या रमतो
कुठली छान कविता
गुणगुणत बसतो   .५

कणाकणात दाटून
अवघा प्रकाश येतो
स्वत:साठीच आपण
मग मोठ्यानं गातो .६

डॉ.विक्रांत प्रभाकर तिकोणे

बुधवार, ३० जानेवारी, २०१३

ती आली पुन्हा


ती आली पुन्हा
आज अचानक
हवेच्या झुळकी गत
मनी गारवा
एक हवासा
हलका पसरवत
रूढ रोकडा
होता व्यवहार
थोडी ओळख त्यात
कसे काय ते
बोलही वरवर
झाले न झाल्यागत
कितीतरी पण
वर्षानंतर तार
थरथरली आत

विक्रांत प्रभाकर
http://kavitesathikavita.blogspot.in/



गुरुदेव

गुरुदेव ***** एक वारी दक्षिणेला एक जाय उत्तरेला  तोच शोध अंतरात फक्त दिशा बदलला ॥ एक वारी गुरुपदी एक वारी देवपदी  तोच ओघ सनातन ध...