*******
संताची संगत शरद चांदणे
अंतरी भिजणे चिंब प्रेमे ॥ १
संताचे बोलणे छाया घनदाट
शब्द दावी वाट प्रेम भरे ॥२
देवा तुझी प्राप्ती किती रे कठीण
परि मी पाहिन वाट युगे ॥३
पण खचताच जीवाचा या धीर
दाटताच नीर नयनात ॥ ४
तयाविन मज नच रे आधार
मायबाप थोर कृपावंत ॥५
तुझ्या विरहाचे दु:ख मी साहीन
निश्चिंत राहीन तयामुळे ॥ ६
आधार दिलासा सोबत भरोसा
तमी कवडसा जीवनी ते॥ ७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
