गजानन महाराज लेबल असलेली पोस्ट दाखवित आहे. सर्व पोस्ट्‍स दर्शवा
गजानन महाराज लेबल असलेली पोस्ट दाखवित आहे. सर्व पोस्ट्‍स दर्शवा

रविवार, ३ मार्च, २०२४

स्वामी गजानन


स्वामी गजानना 
*************
दत्त अवधूता स्वामी गजानना 
करीसी करुणा भक्तावरी ॥१
देसी भजकांना मनातील सारे 
सौख्याची ती द्वारे उघडशी ॥२
परि भक्ती उणा उभा मी अंगणा 
तुज मागतांना लाज वाटे  ॥३
असुनी जन्माचा भणंग भिकारी 
तुझे पाय शिरी मागतो मी ॥४
केल्याविन पूजा स्मरण नमन 
स्वानंद भुवन मागतो मी ॥५
केल्याविना ग्रंथ तव पारायण 
भक्तीचे जीवन मागतो मी ॥६
देही मिरवतो संसार बंधन 
मुक्तीचे मागणं मागतो मी ॥७
दत्त माझा नाथ तो तू अवधूत 
असे भेदातीत स्वरूप हे ॥८
म्हणूनिया काही प्रेम हक्क सांगे 
तुज लागी मागे प्रेम तुझे ॥९
🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ 🕉️ 

शनिवार, १५ फेब्रुवारी, २०२०

बाप गजानन



बाप गजानन
राहतो उन्मनी
देह पांघरूनी
देहावर ॥
अति कनवाळू
त्रिकाळाचा ज्ञानी
लीलाधर मुनी
भक्त काम ॥
धावतो हाकेला
शरणागताला
अनन्य भावाला
भुकेला जो ॥
सोडा अहंकार
पडा पायावर
बाप हातावर
झेलीतो तो ॥
विक्रांत जाणतो
तत्व गुरुदत्त
तयाला मागत
आहे तेच ॥
***:
डॉ.विक्रांत प्रभाकर तिकोणे
https://kavitesathikavita.blogspot.com

गुरुवार, १३ जून, २०१९

गजानन शेगावीचा





गजानन शेगावीचा 
********************

शरणागत भक्तां
देई कृपादान
देव गजानन
शेगावीचा 

भक्त जो भक्तांचा 
योगी योगीयांचा 
विदेही ज्ञानाचा 
अवतार

करुणा सागर
आर्तासी आधार
जाहली साकार  
कृपा जणू

भक्त संकटात
रक्षिले अपार
ग्रंथांचा आधार
देऊनिया

किती सावरले
किती सांभाळले
किती आवरले
मरतांना  

किती एक जना
पोटाशी लाविले
पुत्र पौत्र दिले
कृपादान

दूर आधी व्याधी
केली येता दारी
भक्तीची पायरी
दाऊनियां

विक्रांत ओळखी
खूण अंतरीची
मूर्त श्री दत्तांची
गजानन  

 डॉ.विक्रांत प्रभाकर तिकोणे
००००००

न्याय

न्याय ****** तीच न्याय संस्था फाशी सुनावते  तीच न्याय संस्था निर्दोषही ठरवते  व्यक्ती तीच असते  आरोपही तेच असतात  सुनावनी तशीच ह...