रविवार, १९ जुलै, २०१५

किती केल्या वाऱ्या तरीही








किती केल्या वाऱ्या तरीही
मना वाट सापडत नाही
सालो साल पडते पाणी
आग तरीही विझत नाही

बैल थकले बैल मेले
गाडी ओढी नवी खिलारे
मनी दाटले भाव ठरले
ब्रह्मा भेटी जग चालले

ओहो रंगले शब्द दंगले
टाळ चिपळ्या नादामधले
काय खुमारी वर्णू देवा
वैकुठासी हातच टेकले

माझे मीपण सदैव झिंगले   
आणि वस्त्र फाटू लागले
आता लाज कशी बाळगू
सारेच बहाणे व्यर्थ गेले

चाल चालून आजा मेला
त्याला हिशोब नाही कळला
बापालाही तिच नशा अन
भोके सदैव सदऱ्याला

काय करावे कसे वेगळे
डोळे तिथेच खिळलेले
डोई भणभण पावुल चाले
प्रश्न अंगठा तुटलेले

विक्रांत प्रभाकर
http://kavitesathikavita.blogspot.in/



येथे कोणत्याही टिप्पण्‍या नाहीत:
लेबल: ,

बुधवार, १५ जुलै, २०१५

खरतर






मला भावनांचं अवडंबर
नव्हतं मांडायचं खरतर
पण माझ्या डोळ्यास पाझर

मला ओढाळ प्रेमावर
नव्हतं लिहायचं खरतर
पण माझ्या हृदयी थरथर

मला अगदी दूरदूरवर
राहायचं होतं खरतर
पण माझे मन नाचरं

तुला गुपित हळूवार
नव्हतं सांगायचं खरतर
पण माझं गाणं फितूर

विक्रांत प्रभाकर
http://kavitesathikavita.blogspot.in/



येथे कोणत्याही टिप्पण्‍या नाहीत:
लेबल:

सोमवार, १३ जुलै, २०१५

खेळ..






जितुके मी
जवळ यावे     
तितुके तू  
दूर जावे  

का रे असे  
खेळ खेळशी 
आणि कुठवर
मजला छळशी 

इथे धाडसी  
तिथे पाडसी
प्राण कंठात
उगा आणसी   

असा सदा मी
तुज बोलावतो
व्याकूळ होत
साद घालतो

तुजला नाही 
भान कश्याचे
नाट्य सदा 
का दुराव्याचे

आता खेळ   
असा डाव  
तुच भोज्या
तुच धाव  

तुच शोध   
तुझा तुला   
रे माझ्या  
या मनातला

विक्रांत प्रभाकर
http://kavitesathikavita.blogspot.in/

येथे कोणत्याही टिप्पण्‍या नाहीत:
लेबल: ,
याची सदस्यत्व घ्या: पोस्ट (Atom)

भय

भय *** किर्र निर्मनुष्य अश्या  जयंती माता जंगलात  मऊ मातीत उमटलेली  ताजी व्याघ्र पावुले  अन् एकटेपणी  चाललेली माझी परिक्रमा . वि...

  • कवितेत दत्त
    कवितेतील दत्त ** जर कधी तुम्हाला माझ्या कवितेत दत्त दिसत नसला तरीही दत्त तिथेच वसत असतो जरी मी वाचेने म्हणत नसलो तरीही त्यालाच...
  • मरण
    झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण   ज्यात ओघळून  जाईल ज...
  • अधिक देखणे तरी निरंजन पाहणे भावार्थ
    अधिक देखणे तरी निरंजन पाहणे  भावार्थ ******************************** अधिक देखणे तरी निरंजन पाहणे योगीराज विनविणे मना आले वो माय...
  • तुझे डोळे
    तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट...
  • झाड
    झाड **** या किनाऱ्याला  मी चालत आहे  मी माझ्यातच रुजत आहे  मी झाड होत आहे  इथले पाणी खोलवर  माझ्या आत झिरपत आहे  तोच मी जरी  काह...
  • लोणचे व चटणी
    लोणचे व चटणी  ************ तोही जाणतो की तो लोणचे आहे  तीही जाणते की ती चटणी आहे  चटणी आणि लोणचे चवीपुरते असते  जेवणाची फक्त लज्...
  • महात्मा ज्योतिबा फुले
    महात्मा ज्योतिबा  फुले ****** ज्योतीबा, तू लावलेल्या वटवृक्षांच्या सावलीत जगत आहोत आम्ही समतेची स्वातंत्र्याची फळे चाखत आहोत आम्ह...
  • विझू देत
    विझू देत +***+ माझ्या विझल्या आगीत  का ग जिंदगी शोधते  नको उकरूस धुनी तिथे ठिणगी नांदते ॥ गेला जळूनिया सारा जरी इथला पसारा  उब ज...
  • असे मरण यावे
    असे मरण यावे ************ मरणालाही हेवा वाटावा असे मरण यावे मजला जिवलग कुण्या मिठीमध्ये प्राण सुटावा देहा मधला ओठावरती स्मित असाव...
  • देव देश अन धर्मासाठी
    देव देश अन धर्मासाठी  ********** जन्म देवासाठी  जावो हा सगळा  भावभक्ती मळा  फुलो सदा ॥ देह देशासाठी  जावो हा सगळा  ...