श्री शिवकृपानंद स्वामी लेबल असलेली पोस्ट दाखवित आहे. सर्व पोस्ट्‍स दर्शवा
श्री शिवकृपानंद स्वामी लेबल असलेली पोस्ट दाखवित आहे. सर्व पोस्ट्‍स दर्शवा

शुक्रवार, २२ डिसेंबर, २०२३

बाबा स्वामी


बाबा स्वामी
*********
नसे ग्रंथ प्रामाण्य
नसे शब्द प्रामाण्य 
अनुभव सिद्ध हे
गुढगम्य असे ज्ञान ॥ २

न घे शास्त्र आधार 
न दे कर्मठ आचार 
हातातून हातात ये 
अनुभूतीच साकार ॥२

वाहतात हातातूनी
मंद शितल कंपन
नि उघडले देवद्वार 
चित्तवृती हरवून ॥३

करुणचा पदर ये
आता या डोईवर 
पोळता पाय घेती
गुरुवर कडेवर ॥४

जीवीचा जिव्हाळा 
रुतला ग काळजात 
होतो चाहता कधी
खोल बुडालो प्रेमात ॥ .५
🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ .


गुरुवार, २१ डिसेंबर, २०२३

निळाई


निळाई
*****

बरसले शब्द चांदण्यात न्हावून
बरसले शब्द आकाश होऊन
बसले शब्द हृदयात जाऊन 
मग कोरडेपणा माझे ओशाळून
गेले चैतन्यात चिंब चिंब भिजून

रुजणार बीज हे कोणत्या ऋतूत
घेणार आधार कुठल्या भूमीत
होईल वृक्ष की राहील झुडपात
जाईल नभी का सांदी कोपऱ्यात
कुणास ठाऊक काय प्राक्तनात

सुखावले तनमन आता हे काही
जावे फुटून कवच वाटते वज्रदेही
कुठली भूमी  नकळे आकाशही
प्रार्थनेत शतजन्म जाहले प्रवाही
दाटली डोळ्यात घनगर्द निळाई

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ .

रिक्तत्ता

रिक्तत्ता ******* क्षणा क्षणाने कळल्या वाचूनी आयुष्य येते ऋतू घेवूनी  हसवून रडवून चोरपावलांनी रंग खेळूनी जाते उलटुनी  काय कमावल...