मैया लेबल असलेली पोस्ट दाखवित आहे. सर्व पोस्ट्‍स दर्शवा
मैया लेबल असलेली पोस्ट दाखवित आहे. सर्व पोस्ट्‍स दर्शवा

सोमवार, २३ ऑक्टोबर, २०२३

नर्मदामाई


नर्मदामाई
********
अडकला प्राण माझा 
माई तुझ्या तीरावर 
खळाळत्या प्रवाहाने 
जीव होई खालीवर ॥१
कलकल नाद जेव्हा 
येतो तुझा माझ्या कानी
कौतुकाने आनंदाने  
गाली ओघळते पाणी ॥२
विशाल रूपाने जेव्हा 
भेटतेस सरोवरी 
दडपते छाती माझी 
लीन होतो पदावरी ॥३
किती घाट किती थाट 
जागोजागी विखुरले 
भक्ती लोट पाहुनिया 
मन माझे गहिवरे ॥४
तुझ्या स्पर्शासाठी मन 
सदोदित हे व्याकुळ 
तुझ्या कुशीत येण्याला 
हा जीव असे आतुर ॥५
तुझ्या तीरी जन्म मिळो 
जर असे मज माई
फक्त तुझे प्रेम लाभो 
अन्य नको मज काही ॥६

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ .

न्याय

न्याय ****** तीच न्याय संस्था फाशी सुनावते  तीच न्याय संस्था निर्दोषही ठरवते  व्यक्ती तीच असते  आरोपही तेच असतात  सुनावनी तशीच ह...