॥श्री गणपती ॥
🌺🌺🌺🌺
मुलाधारी मूळ कामनांचे कुळ साचलेले स्थुळ देहरूपी ॥१
दूर त्या सारावे निर्मळ मी व्हावे
म्हणूनही करावे साधन रे ॥२
तेथील दैवत असे एकदंत
ऊर्जेच्या दारात आधिष्टीले ॥३
शरण जाऊन करावे प्रसन्न
अनन्य होऊन भक्ती भावे ॥४
मग चिदाकाशी रंग होतो लाल
भक्तीचा गुलाल उसळून ॥५
हृदी ओंकाराची वाजू लागे धून
साक्षीचे अंगण उजळून ॥६
उघडे कवाड देव गजानन
कृपा जागवून मध्यमेत ॥७
विक्रांत प्रेमाची करी विनवणी
सखया येवूनी भेटी देई ॥८
🌾🌾🌾
© डॉ.विक्रांत प्रभाकर तिकोणे
kavitesathikavita.
☘☘☘☘ 🕉️
