भक्ताचिया गोष्टी
**************
भक्ताचिया गोष्टी डोळा आणी पूर भावनांनी उर भरू येई ॥१
आहाहा किती रे भाग्याचे पाईक
पातले जे सुख पायी तुझ्या ॥२
किती भाव भक्ती किती समर्पण
अर्पिले जीवन ज्यांनी तुला ॥३
तयांच्या पदाची धूळ घ्यावी भाळी
भक्ती भारलेली कणभर ॥४
अशा वेडाविन काय तू रे भेटे
सुटतील वेढे जन्माचे या ॥५
ऐसिया भक्तांची सदा पडो गाठ
दिसो तुझी वाट मजलागी ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
