येत नाही
*******
तरीही तू येत नाही
ताऱ्यांचे अवगुंठण
तुला सोडवत नाही ।।
कुठेतरी खोचलेली
नाती काही प्रारब्धाची
उपसला बाण तरी
शल्य ते मिटत नाही ।।
देशील तू सांत्वना ही
जरी मनी खात्री नाही
हे भिक्षेचे पात्र अन
मज टाकवत नाही ।।
डोळे घनव्याकुळसे
तरी कोसळत नाही
साकळून वेदना हा
उरही फुटत नाही ।।
ठाऊक मला जरी हे
क्षणाचेच गीत आहे
साहतो हरेक ऋतु
सवे तुझी प्रीत आहे ।।
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘ .
