वाट बघणे ( उपक्रमा साठी)

(उपक्रमासाठी)

वाट बघणे

*******

डोळ्यात वाट बघते 

असे कुणी तरी होते 

पण खरे तर तेही 

फसवेच नाते होते

फसव्या त्या नात्यातील 

जरी बघणे खरे होते 

चोर शिपायाचा खेळ 

रंजन संपूर्ण होते 

खेळलो यार खेळ तो

झोकून देवून पार 

झिंगलो रंगलो मस्त

मजा आली दिन चार

फसल्याची खंत नाही

हरल्याचा संताप वा

काल संपला कालचा 

आज दिवस ये नवा

येईल कुणी अजून

जाईल जीवा खेळून

मी ही खेळेन डाव तो

पण खेळास जाणून

गुंतून फसणे घडो

वा फसून  गुंतणे ते 

किती मिळतात यांनी

कवितेस विषय ते 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘