भूमिका
*****
नाटकातील नटागत वठवावी लागते भूमिका
जगतांना या जगात
कधी जिवलग मित्र होत
कधी दिलदार सोबती बनत
कधी नियमात कठोर वागत
कधी नियमाचे धागे तोडत
पण उमटच नाही मनात कधीच कटुता
रुजत नाही आत कधीच दुष्टता
माहीत असतो तुम्हाला तुमचा मुखवटा
आणि समोरील व्यक्तीतील गुणवत्ता
वेळ काळ परिस्थिती अन् ती व्यवस्था
असते तुम्हाला पळवत
किंवा खेचून नेत
परंतु त्या पलीकडचे नाते
माणसातील माणुसकीचे
असते आत वाहत
नितळ निवांत
आत्मीयतेने भरलेले
सदैव शांत
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘ ..
