गुरुमाय
******
श्रीगुरु माऊली काय मागु तुला नुरे मागायला काही इथे ॥१
इतुके भातुके दिले खावयाला .
जीव हा भरला आता इथे ॥२
सरले खेळणे हसणे रडणे
जगी हरवणे पुरे झाले ॥३
रंगुनी खेळात पथ विसरलो
घर हरवलो कुठे जावे ॥४
तुझिया मिठीची आता ये आठव
जीव घेई धाव तुझ्याकडे ॥५
येऊनिया माय घेई कडेवरी
नेई मज घरी आपुलिया ॥६
तुझिया प्रेमाचा भरव गे घास
सोहम सुग्रास मज लागी ॥७
मज लागो निज तुझ्या मांडीवरी
दुनिया ही सारी होत शून्य ॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
