उपकार

{photo .from internet.}

उपकार 

******

जा उधळीत रूप तू

तुझाच बाजार आहे 

मी एकटा कुठे इथे 

हे दर्दी हजार आहे 

तू पाहू नकोस कधी 

दिसणे मुश्किल आहे 

दाटून आभाळ थोर

तुझा जयकार आहे 

नच मागतो तुला मी 

हि स्वप्न हजार आहे 

नि वार काळजावर 

जे माझे उधार आहे 

किती चोरले कटाक्ष 

चुकवीत या जगाला 

देऊ कसा त्या परत 

जगण्या आधार आहे 

तू येऊ नकोस कधी

दुनिया आबाद आहे 

तू भेटलीस काय हा

कमी उपकार आहे

जगतो येथे विक्रांत 

स्मृतीत राहतो आहे 

पाहतो सदा अंतरी

तुझाच वावर आहे  

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘