खोटा पैसा
*******
दत्ता मी रे तैसा चालताहे ॥१
जो जो पाहे मज असे नाकारत
परत फेकत दैवाकडे ॥२
तरीही गर्दीत कुण्या मिसळत
जाई मिरवत खरेपणे ॥३
येता नजरेत संताप साहतो
उद्दीग्न करतो घेणाऱ्याला ॥४
जो तो पाहताहे मज खपवाया
देऊन टाकाया दुसऱ्याला ॥५
कोणी न घेतो आपला म्हणतो
आता रे पडतो पायी तुझ्या ॥६
आता नशिबात यावा भट्टीवाला
अस्तित्वा लागला डाग जावा ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
