ॐ गणेश

ॐ गणेश

गणेशा प्रती हे 

मन लाेभावते 

जडून राहते 

निरंतर 

गणेशाची छबी 

येता चित्तावर 

आनंद लहरी 

देह होतो

सूत हा शिवाचा 

अंतक विघ्नांचा 

तारक भक्तांचा 

कल्पद्रुम 

ओघळते सुख 

गणेशासोबत 

दुःख क्षणार्धात 

दूर जाते 

गणेश कृपेने 

दिशा ती दिसती 

गतीही मिळती 

सर्व कार्या

म्हणून तयास 

हृदयी धरावा 

प्रथम वंदावा 

सर्वभावे 

तया प्रकाशाने 

विश्व उजळतेे

आनंदे भरते

कण कण

गणेश भक्ताला 

कसली फिकीर 

हात पाठीवर 

त्याचा सदा 

देवा विनायका

रहा स्मरणात 

शब्द कौतुकात 

विक्रांतच्या

© डॉ..विक्रांत प्रभाकर तिकोणे

http://kavitesathikavita.blogspot.in

फकीरीची हाव

फकीरीची हाव

***********

मज फकिरीची

देवा असे हाव

फळण्या उपाव

करी काही  ।

छत आकाशाचे

निजण्या अवनी

ऐसे स्वप्न मनी

सदा सजे  ।

वृक्षांची संगत

पशूंची सोबत

यामिनीचे तट

भेटो वाटे  ।

कुठल्या दारात

टिचभर पोट

भरे दो घासात

फार नको ।

पानं फुलं कंदी

घडावे पोषण

तुझ्यात हे मन

व्हावे गुंग ।

अलख मुखात

अनहलक यावे

तुझाच मी व्हावे

दत्तात्रेया।

कुठल्या जन्माचा

असावा हा सोस

विक्रांत उदास

तयाविना ।

© डॉ..विक्रांत प्रभाकर तिकोणे
http://kavitesathikavita.blogspot.in

दत्ताच्या गावाला

  

भक्त हा चालला

**************

दत्ताच्या गावाला

भक्त हा चालला

जगाच्या डोळ्याला

वेडा हा जाहला

वाटेविना वाटे

हा चालू लागला

अंधारी अंधाराला

नि पाहू लागला

पाहिलेले स्वप्न

खरे मानू लागला

निद्रेत निद्रेला

हा हसू लागला

पथी सोबतीला

न कुणी तयाला

तरी गाव गोळा

करीत चालला

ना इथे थांबला

तो तिथे चालला

भूत भविष्याला

गिळूनी राहिला

© डॉ..विक्रांत प्रभाकर तिकोणे

http://kavitesathikavita.blogspot.in

दत्त ध्यानी

दत्त ध्यानी

***********

दत्त ध्यानी दत्त मनी

 दत्त कानी अविरत 

 दत्त घरी दत्त दारी

व्यवहारी दत्तनित्य 

दत्त जनी दत्त वनी

 वेटाळूनी कणोकणी

दत्त गाणं दत्त भान 

शब्द रान सुटलेले

 दत्त ओठी दत्त पोटी

 काठोकाठी भरलेला

 दत्ता पाहू कुठे कुठे 

विश्व रिते दत्ता विन

दत्ता देही श्वास होई 

प्रेम देई विक्रांता या

© डॉ..विक्रांत प्रभाकर तिकोणे
http://kavitesathikavita.blogspot.in

*************:

लायक तोच करतो

दत्त वाटेवर जन्म चालतो 
त्याच स्वप्नात नित्य जगतो ॥१॥

पुण्य खडावा ह्रदयी धरतो  
सदैव अलख अंतरी गातो  ॥२॥

दत्त मजला आपुला करतो   
अन या उरात प्रेम भरतो  ॥३॥

दत्त जन्म मरण वारतो

दुस्तर मायेतून निवारतो ॥४॥

दत्त विक्रांता सदा सावरतो

त्याचिया लायक तोच करतो ॥५॥

© डॉ..विक्रांत प्रभाकर तिकोणे
http://kavitesathikavita.blogspot.in

*************:

दत्त शिणल्या डोळ्यात

दत्त शिणल्या डोळ्यात 

हाक पुनवेची येते 

माझ्या भिजल्या गळ्यात 

गाणे ओलेचिंब होते 

माझ्या पायथ्याच्या हाका 

का रे कानी येती क्षीण

करू नको रे अव्हेर 

तुझ्या पायी आला दीन

प्रीति माझ्या काळजाची

काही असेल ओखट 

किर्ति परी तुझी देवा 

बघ आहे ना चोखट

तुझ्या प्रीतीच्या स्वप्नात 

जन्म दिनरात जागा

 प्राण होऊन प्रतिक्षा 

उभा डोळीयात उगा

कर काही येणे असे 

काळ पिंजल्या तनाचे

हरो अस्तित्व जगाचे

क्षोभ मिटावे मनाचे

केला विक्रांत शहाणा

धडे जीवनात देत 

सारे सरो नको काही 

फक्त पायी राहू देत  

© डॉ..विक्रांत प्रभाकर तिकोणे

http://kavitesathikavita.blogspot.in