डॉ.पिपळे सर (M.S. of K.B.B.Hospital)
*********::****
निवृत्तीचा हा पडाव
गाठलात तुम्ही ,
पिंपळे सर .
तुम्हाला निरोप देणारे
आम्ही ही
तसे फार दूर नाही
येऊ लवकरच बरोबर .
येथे कोणी काय मिळवले
आणि काय मिळवायचे
हा ज्याचा त्याचा प्रश्‍न असतो
पण इथे जो माणसं मिळवतो
तोच खरेतर जिंकतो
त्या अर्थाने तुम्ही
नुसते विजयी नाही
तर महा विजयी आहात .
पाहता क्षणी
भेटता क्षणी
डोळ्यात भरणारी
सज्जनता सौम्यता
तुमच्या रूपात अवतरीत होते
तुमच्या आभामंडळात
अन भासमान होते .
सर ,
आपण भेटलो फक्त
काही मिटिंगमध्ये
आणि बोललो फारच कमी
तुटक बरेचसे जुबबी
कामापुरते
पण कळत होते
आकाशाचे पाखरू
जमिनीवर चालत आहे ते .
आता पिंजऱ्याचे जग सरले आहे
आता साखळीचे बंध तुटले आहे
उंच-उंच उडा
आपल्या मनस्वी आकाशात
आणि द्या प्रेरणा ती,
आम्हालाही !!
भरारण्याची!!
निवृत्तीच्या खूप खूप शुभेच्छा सर !!
डॉ. विक्रांत प्रभाकर तिकोणे
