लक्ष्य
*****
माझी प्रकाशाची हाव तुझ्या दारी घेई धाव
असे पतंग इवला
देई तव पदी ठाव
गर्द काळोख भोवती
जन्म खुणा न दिसती
आला किरण लोचनी
तूच दिशा तूच वस्ती
असे जगत अंधार
किती शिकारी भोवती
पथ सुकर बिकट
भय नसे माझ्या चित्ती
जया दिसतो किरणा
तया घेतसे ओढून
तुझ्या असीम कृपेचे
दत्ता मिळे वरदान
तुज भेटण्या उत्सुक
कणकण देहातील
चिंता नुमटे किंचित
जरी ठाव न अंतर
मनी सुखाचे गुंजन
मज कळे निजस्थान
सुख कळण्यात थोर
लक्ष्य अवधूत चिंतन
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
