कवितेसाठी कविता: दत्ताविण

सोमवार, १ जुलै, २०२४

**** *

अन्य काही नको मज दत्ताविन

होऊनी अभिन्न राहो मन ॥१

नको रे वैभव यश कीर्ती मान

दुःखाचे कारण मनास या ॥२

तव पाऊलास जडो माझे चित्त

जाणीवे सकट जग सुटो ॥३

रहावे डुंबत तुझिया प्रेमात

शून्याच्या घरात सर्वकाळ ॥४

जन्मास आल्याचे घडावे सार्थक

संता दारी भीक प्रेम मिळो ॥५

असावा विक्रांत दत्त मिरवत

जिणे ठोकरत कामनांचे ॥६

🌾🌾🌾

https://kavitesathikavita.blogspot.com .

☘☘☘☘ 🕉️ .

कवितेसाठी कविता