कवितेसाठी कविता: दत्त दत्त शब्द

शनिवार, २९ जुलै, २०२३

**********

दत्त दत्त शब्द आहे निनादत

कडे कपारीत

सह्याद्रीच्या ॥

दत्त दत्त शब्द वदे भीमा कृष्णा

पंचगंगा वेणा

या भूमीत ॥

दत्त दत्त शब्द गुंजे गिरनारी

वाडी औदुंबरी

गाणगापूरी ॥

दत्त पाखरतो अवघा हा देश

देऊन आदेश

नाथपंथी ॥

दत्त दत्त शब्द असे याओठात

धुन दत्त दत्त

अंतरात ॥

दत्त जाणिवेत हरावा विक्रांत

होवुनिया सार्थ

जन्म सारा ॥

.🌾🌾🌾

https://kavitesathikavita.blogspot.com

☘☘☘☘

कवितेसाठी कविता