यमुनातीरी
*********
आज सखे मला मी अंबरी पाहिले ॥
पाहताच तया मी माझे नच उरले
होय सावळ बाधा बावरी मी जाहले ॥
काय सांगू तुजला काय कैसे घडले
नुरले मन माझे तयाचे की जाहले ॥
काय कुठली सांज भलते मज सुचले
गेले यमुना तीरी पछाडून गे आले ॥
एकटाच तो उगा पाय जळी सोडले
ओठावरी मुरली सुर दैवी भिजले ॥
तन मन माझे हे सप्तसूर जाहले
भारावले अशी मी दशदिशात भरले ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा