सुटो अहंकार
********
माझिया मनाचा
सुटो अहंकार
जेणे तुझे दार
अडविले ॥
होऊन धुकट
येते तुझ्या आड
डोळ्यास झापड
लावतसे ॥
तूच माझा सखा
स्वप्न सजविता
मरणाची गर्ता
चुकविता ॥
इवल्या फुंकरी
सरू दे आभाळ
कृपेची सकाळ
करी बापा ॥
नाव अवधूत
गाजो तुझे मही
त्राही त्राही पाही
विक्रांता या ॥
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा