दत्त देव

दत्त देणे

******"

गुरु माझा दत्त प्रभू माझा दत्त 

आत्मदेव दत्त सर्वव्यापी ॥

पथी त्याच्या चालू जन्म सदोदित

जडो माझे चित्त तया पायी ॥

तया विन काही नुरे जगी पाही 

भरुनिया राही  तोच सारे ॥

त्याच्यासाठी घडो अगा सारे जिणे

तया विन जिणे जन्म नको ॥

अहंकार हा मरता शून्यवत होता 

दत्त येतो हाता म्हणतात ॥

परी ते ही असे दत्ताचीच देणे 

कृपेचे हे लेणे मिळो मज ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️