सुखगोष्टी

सुखगोष्टी

********

सुखाच्या साऱ्याच तऱ्हा 

सारख्याच असतात 

त्याच गोष्टी त्या वयात 

बघ तशाच घडतात ॥१

तेच चक्र गरगर 

फिरते रे जगभर 

झाडे वेली फुले पाने 

येतो नि जातो बहर ॥२

तीच पार्टी तीच मस्ती 

फक्त बदलती साथी 

तीच आशा तीच उर्मी 

देश वेष भिन्न प्रांती ॥३

सुखदुःखाचे फार्मूले 

अगदी तेच असती

फॉर्मुल्यात जगणारी 

खरेच काय जगती ॥४

कोडे असते जीवन 

सोडवणाऱ्यासाठी 

वेडे असते जीवन

हे धावणाऱ्या साठी ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ ,🕉️