दक्षिण द्वार

दक्षिण द्वार

*********

द्वार दक्षिणेचे जल 

होते वाहत वरून 

देह पाण्यात डुंबून 

होतो पायरी धरून 

वाटे सरावे जीवन 

जावे इथेच संपून 

कृष्णा पाण्यात इथल्या 

देह जावा हरवून 

परी घडले ना रे ते 

आलो वर उसळून 

भोवती अथांग माय

होती पाहत हसून 

हट्ट धरला परत 

एक डुबकी परत 

आलो वरती परत 

देह मनाच्या सोबत 

बरे ठिक महाराज 

म्हटलो सोडून हट्ट 

घेई ठेवून मागणे 

हेच प्रार्थतो विक्रांत 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘.