*************
काही गाणी तुझी होती
सहजीच उमलल्या
भावनांची दाटी होती
सुर काही चुकलेले
तुझे गाणे थबकले
चुकीच्याच जाणीवेने
शब्द तुझे कोमेजले
अन मग अचानक
पाठमोरे जगा झाले
रंगलेले ऋतुगीत
विराणीत झाकोळले
तरी सुद्धा तेच गाणे
मी हे म्हणतोच आहे
आकाशाचे निळेपण
उरी भरतोच आहे
चुकतोय सूर काही
शब्द विसरतो आहे
तुझे गाणे माझ्यासवे
मीच आता गातो आहे
***
© डॉ.विक्रांत प्रभाकर तिकोणे
https://kavitesathikavita.blogspot.com
**********
कोणत्याही टिप्पण्या नाहीत:
टिप्पणी पोस्ट करा