कल्पद्रुमा
***
मज दत्तराया
छळते ही काया
जन्म जाई वाया
तुजविन ॥
जैसे रक्षिलेस
मच्छिंद्र गोरक्षा
तैसा मज रक्षा
भगवंता ॥
जैसे प्रेम दिले
जालिंदर कानिफा
तैसे प्रेमे पहा
दयाघना ॥
कैसे है जगणे
कैसे ही मरणे
वावुगे फिरणे
जन्मातून ॥
येऊनिया नाथ
करा हो सनाथ
पाही दिनरात
वाट तुझी ॥
विक्रांत दत्ताचा
म्हणवितो साचा
सार्थ करी वाचा
कल्पद्रुमा ॥
******
डॉ. विक्रांत प्रभाकर तिकोणे
http://kavitesathikavita.blogspot.com
कोणत्याही टिप्पण्या नाहीत:
टिप्पणी पोस्ट करा